14 декабря 2025
12 снежня адбылася алімпіяда па царкоўнаславянскай мове, арганізаваная кафедрай біблеістыкі і хрысціянскага веравучэння: 19 лепшых знаўцаў царкоўнаславянскай мовы сярод студэнтаў і выкладчыкаў спаборнічалі паміж сабой.
Перад алімпіядай была арганізавана выстава кніг па царкоўнаславянскай і стараславянскай мове. Кожны мог пагартаць падручнікі, як дарэвалюцыйныя перавыданні, так і сучасныя, слоўнікі, а таксама даследаванні па гісторыі пісьменнасці і царкоўнаславянскай мовы.
Конкурсныя заданні былі комплекснага характару, закраналі розныя лінгвістычныя і гістарычныя пытанні. Пры выкананні іх неабходна было не толькі прадэманстраваць веды, але выявіць і крэатыўнасць мыслення. (Не ўсе змаглі, напрыклад, растлумачыць значэнне старажытных фразеалагізмаў лезці на глаголь альбо жывот онікам, не здагадаліся, якое слова Уладзімір Даль хацеў замяніць словам абевега).
Алімпіяднікі паказалі шчырую адданасць царкоўнаславянскаму слову, дастаткова высокі ўзровень падрыхтоўкі па царкоўнаславянскай мове. Алімпіяда стала для студэнтаў выдатным спосабам не толькі праверыць сябе, але і знайсці сілы рухацца наперад да новай інфармацыі пра сакральную мову, а таксама проста атрымаць задавальненне ад самога працэсу ўдзелу ў конкурсе і здабыць каштоўны вопыт, які спатрэбіцца ў жыцці.
Па выніках алімпіяды:
Пераможцы атрымаюць грашовыя прэміі.
Варта адзначыць таксама работы Гарохавай К. В. (14,75 балаў), Чыгір К. В. (14,5 балаў), Борматавай Кацярыны ( 14,25 балаў), Цярэнцьевай Ганны (13,5 балаў), Зубчанкі Канстанціна (13,25 балаў).
Віншуем пераможцаў і ўсіх, хто паспрабаваў свае сілы ў алімпіядным руху! Жадаем новых перамог і ўпэўненасці ў сабе!
Фатаграфавалі Ганна Смутная і Ларыса Анатольеўна Гедзімін
Больше фото в альбоме ВК (https://vk.com/i_theology?z=album-154392294_307903925)
